Anaitasuna mendi bazkunak Izarraizko Bira egiteko irteera antolatu du biharko, Gure txokoak ezagutzen egitasmoaren barruan. Ohi bezala, Balda plazatik abiatuko dira mendizaleak ibilaldia egiteko, 08:00etan, eta horiek 900 metro positiboko desnibela duen hogei kilometroko ibilbidea egingo dute.
Ondoren, bazkaria egingo dute Azpeitiko Añota sagardotegian. Autobusez egingo dute harako joan-etorria, eta itzultzeko autobusa 18:30ean izango da. Bazkarirako izen-emate epea jada amaitu den arren, taldeak bihar goizeko ibilaldian parte hartzera gonbidatu ditu herritar guztiak.